مرسته     |     دپاڼي نقشه     |     ننوتل
benawa

پـه كـعـبـه مـكـرمـه كښى لـمـونـځ

په مذهب دامام اعظم ابوحنيفه (رح) دكعبى شريفى په دننه خونه كښى فرض اونفل لمونځ روادى امام شافعى (رح) وايى هيڅ لمونځ دكعبى شريفى په خونه كښى روانه دى، په صحيح حديث كښى چه روايت ئې بخارى (رح) اونوروكتابوكړيدى ليكل شويدى چه د مكى شريفى دفتح په كال آنحضرت (ص) دكعبى شريفى په خونه كښى دوه ركعته نفل ادا كړل، فرض لمونځ پرقياس دى، كه امام په جماعت سره دكعبى شريفى په خونه كښى لمونځ ادا كوى بعضومقتديانودامام وشاته خپله شا وګر ځول لمونځونه ئې روادى ځكه چه دامام اوټولومقتديانومخونه دكعبى شريفى وديوال ته دى، كه بعضوله مقتديانونه ومخ ته دامام شاوګرځول لمونځونه ئې روانه دى ځكه چه ترامام دمخه دامام په خواكښى ولاړدى . كه امام په مسجدالحرام كښى لمونځ اداكوى اوخلګ په امام پسى پركعبه باندى چاپيرشول هغه څوك چه له دغومقتديانونه د امام په خواكښى نه وى اوترامام وكعبى شريفى ته نژدى وى لمونځ ئې صحيح دى، دكعبى شريفى پربام لمونځ روادى مګر امام شافعى (رح) وايى چه روانه دى ځكه چه دده په مذهب د كعبى شريفى خونه تبرك ده، زموږ په مذهب قبله دغه ميدان دى ترآسمان پورى چه خونه دكعبى هم پكښى ده نودلمونځ كونكى مخ هم كعبى ته دى، دحنيفى مذهب بل دليل دادى چه دعبداله بن زبيراوحجاج بن يوسف په زمانوكښى دكعبى شريفى خونه له منځه ولاړه او خلګولمونځونه هم هغى خواته دكعبى كول همدارازجبل ابى قلبيس چه كعبى شريفى ته نژدى غردى او د كعبى شريفى ترخونه ډيرلوړدى كه څه هم خونه ئې مخ ته نشته خوپه اتفاق سره پردغه غره لمونځ روادى، د فقهى شريفى كتابونه وايى چه دكعبى شريفى پربام لمونځ روادى مګرمكروه دى ځكه چه د بيت الله شريفى دتعظيم ترك وهنه ده، په صحيح حديث شريف كښى هم منع ورنه شويده، د نورو مسجدوحكم د كعبى شريفى نه دى د نورو مسجدو پر بامونولمونځ بيله كراهيته روادى .

mainport ipower web host benawa
Answer Machine : + 1 (518) 5577770   --   USA Tel : +1 518 3662728   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2014   All Rights Reserved     Powered by:Benawa Network     Design by: Khalid Hadi Hiadery