د تېغونو لو
نه...!
هېڅکله ذهن مې دا نه قبلوي
باور مې هم داسې منلى نه شي
چې ددې واټ دپاسه
د پښ دوکان کې هډو
د کر لپاره سپاره نه جوړېږي
لکه چې ګرم نه يمه!
زه د رښتيا له څنډ نه
په خپلو دواړو غبرګو سترګو وينم
چې پښ په بېړه، بېړه
د تسپارونو پر ځاى
دلته د کر، کيلې، باران موسم کې
د شنو تېغونو د رېبلو او د ((لو)) لپاره
له سړې اوسپنې نه ((لور)) جوړوي
او په ((لوګرو)) يې ارزانه پلوري.
١٣٦٦/٤/٣١
کابل
د حجرو شهادت
زموږ د کلي له سپېرو نغرو نه
نور د اورونو لوګي
لکه بيرغ چېرته د بام دپاسه نه رپېږي
د چينو سترګې د حجرو د شهادت په وير کې
له ډېره غمه ړندې شوي اوښکې نه تويوي
او کلى کوز له پاسه
جوړ د بادونو د مارانو د نڅا جشن ته
په ډېر هيبت
کنډر،
کنډر
ولاړ دى.
١٣٦٨/٧/٢٨
کابل
