غزل
ګران د بېلتون راته وختونه ښکاري
پر زړه زما سوي داغونه ښکاري
دا ستا د مينې د خاطر لپاره
ماته خارونه هم ګلونه ښکاري
خدايږو يوه که مې ارزو پوره شي
د حسن نيت که فرېبونه ښکاري
چې په کې ستا دښکلا ذکر راځي
ځکه خواږه مې ټول شعرونه ښکاري
چې نظر وکړم لېونۍ مينې ته
خوشې عبث راته خوبونه ښکاري
چې وړي ديدن اوس د اغيار کلي ته
خاورې به خود زما اميدونه ښکاري
نراشه ورشه د يادونو چم ته
څه دې په زړه کې نن خيالونه ښکاري.
محمد رياض نراش
