يادونه : داليکنه په سويډن کي د ځوان نسل او سالمي روزني علمي کنفرانس ته ليکل سوې وه .
د ١٣٨٥ لمريز کال د ليندۍ دريمه - د ٢٠٠٦ زيږدي کال د نوامبر ٢٤ مه
اسن - نېدرلند
په سويدن کي د کانديد اکادميسن سيستاني په وياړ علمي غونډي ته د سلام فرهنګي ټولني پيغام
زموږ باور دا دئ چي ښاغلي سيستاني د علامه حبيبي ، استاد کهزاد او مرحوم غبار رښتنئ ځای ناسئ دئ
که نن د هيوادهغه درېو سترو مورخينو نوي څيړني اوليکني زموږ سره نشته ، خو د هېواد نامتو ملي مورخ کانديد اکادميسن سيستاني په څيړنو او ليکنو کي د خپل هيواد برم او دبدبه وينو.
د دې علمي غونډي درنو ګډونوالو !
تاسو پوهيږئ چي موږ د تاريخ په داسي پړاو کي ژوند کوو ، چي له يوې خوا د علامه حبيبي ، استاد کهزاد او مرحوم غبار په څير رښتيني او ملي مورخينو څخه بې برخي يو او له بله پلوه قلم او کاغذ د يوشمير داسي کسانو په لاس کي لوېدلئ چي نه د هيواد ګټي پيژني او نه د تاريخ ليکني په اصولو خبر دي ، ژبنيزو ، توکميزو او ګروپي ګټو يې پر سترګو داسي توري تيارې غوړولي چي نه يوازي ملي ارزښتونو ته درنښت نه لري بلکي د نفاق او کرکي اور پاشي .
له نيکه مرغه د کانديد اکادميسن سر محقق اعظم سيستاني په څير د هېواد خواخوږي مورخين هم لرو، چي ليکنواو څيړنويې زموږ هېوادوال په دې ډاډمن کړي چي د هغو درويوستر مورخينو ، هغه ځايناستئ لا شته چي د ليکنو هر کرښه يې غرضي تبليغات بي ارزښته کوي او د هېواد رښتني تاريخ را برملا کوي .
کانديد اکادميسن سيستاني د هيواد د هغو نامتو مورخينو سر لارئ دئ چي نه يوازي د تاريخ علم پر ټولو حدودو برلاسي لري ، بلکي په تاريخي څيړنو اوليکنو کي د تاريخ ليکني عامو او خاصو اصولو او موازينو ته بشپړه پاملرنه کوي او علمي ارونو ته د يوه متعهد مورخ په څير د ځوان کهول روزنه او پالنه کوي .
سلام فرهنګي ټولنه په سويډن کې دافغانانو علمي اوفرهنگي مرکز دا نوښت چي د هېواد نامتو مورخ نمانځنه کوي ، د قدر په سترګه ګوري او ښاغلي سيستاني صاحيب ته د پوره روغتيا سره د اوږد ژوند هيله څرګندوي .
په درنښت
د سلام فرهنګي ټولني په استازيتوب
پوهنوال رسول باوري
