سلام فرهنګي ټولنه په هيواد کي د اولسمشرۍ لپاره د ټولټاکنو د بهيرپه بري پای ته رسيدلو په اړه، ټولو هيوادوالو ته د زړه له کومي مبارکي وړاندي کوي .
افغانانو يوځل بيا خپل هوډ او هيله د ټولوټاکنو په ستره ننداره ګاونډيو هيوادونو او ټولي نړۍ ته په ډاګه کړه چي :
1 : افغانان د نورو غرضي لاسوهنو پرته په خپلو کي د ورورۍ ، انساني کرامت او ډيموکراسۍ پر بنسټ ، تر هر بل ارزښت او هري بلي اړيکي د خپل هيواد ملي ګټواوارزښتونو پالنه او درناوۍکوي ؛
2 : افغانان که په مالي او اقتصادي برخه کي د پرله پسې 25 کالو جګړو له وجي ناتوانه شوي ، خو د سياسي ځيرکتيا په هغه پړاو کي دي چي د خپل هيواد په ټاکونکو ګړيو کي په پوره سر ښندنه او بيله ډاره د خپل هيواد او د خپلو ملي وياړونو تر څنګ ودريږي ؛
3 : افغانانو دا څرګنده کړل چي د خپلو ستونزو د حل لپاره سوله ايزي هڅي ، سياسي ډيالوک او ملي ګډون د بهرنيانو د هر ډول ناروا لاسوهنو پرته ، غوره کړيدۍ .
4 : او افغانانو دا هم څرګنده کړل چي په هيواد کي توپکيان او د توپک زيږنده شخصيتونه او دهغو اړوند ذهنيتونه ځای نه لري يوازي به د هغه بهير ملاتړ کوي چي د ملت او اولس رايو ته پاملرنه اوهغو ته د لومړيتوب حق په کښي برملا وي .
سلام فرهنګي ټولڼه په دې باور ده چي : افغانانو په خپل هيواد کي داولسمشرۍ لپاره د ټولټاکنو بهير چي د ديمکراسۍ ستره او لومړنۍ ازموينه وه ، داسي په برياليتوب تر سره کړل چي هوښيارتيا او تدبير ته يې يوځل بيا نړۍ هک حيرانه پاته شول . اوس د راتلونکي ټاکل شوي مشرتابه دنده ده چي د دموکراسۍ دا بهير د افغانانو د بنسټيزي غوښتني په څير ومني اود لاسوهني پر ته يې پر له پسې وساتي او دټول هيواد منل شوۍ دود يې وګرځوي .
په پای کي يوځل بيا تاسو ټولو هيوادوالو ته د دې ستر جشن د بري مبارکي وايو .
تل دي وي افغانستان او افغان نوميالۍ اولس
د سلام فرهنګي ټولني مشرتابه جرګه ګۍ
