ن - اکيس - کابل
کرزى صيب ! او درنو قاضيانو!
تاسو دهغې ١٢ کلنې ا نجلۍ ( رحيمه ) چې له کندز نه تښتول شوې وه اودڅو تنو له خواپرې دنه ويلو کارونه شوي وو ، خبرې واورېدې ؟ دهغې څنګه دهماغه حالت په اور يد لو ستو نى بند شو ، دهغې سترګو ته به هغه وخت خدازده کومه صحنه را غلي وي چې له بيانولو نه يې الفاظ وشرمېدل او په چيغو بدل شو ل .
درنو جنا بانو تا سو په محکمه کې دهغې دمور او پلار ژړه غوني غږونه واورېدل ، چې خپل او لاد ته يې نه شو کتلاى له خپل ژوند نه ستړي وو خو لاهم له مجرمانو ډارېدل او ويل چې لا په دغه اسلامي او دمو کراسي نظام ( !) کې تر ګواښ لا ندې دي .
دولس حاميانو !
تا سو هغه مهال دمجرمانو جرئت وليد ، څنګه يې له خپلو ځانونو دفاع کوله او څنګه يې ستر ګې سرې وې ؟
تا سو څه موده وړاندې دکندهارۍ خويندو او ميندو له ژړا ګانو خبر شوئ ، تا سو واوريدل څنګه دهغوى سترګو ته دخپلو تنکيو وروڼواو زامنو په وينو ککړ بدنونه وغورځيدل او تا سو ؟ ؟
کرزى صا حب ، نه دى ملامت هغه تراوسه او لاد نه لري او ديو ه هغه پلار احساسات نه شي در ک کولاى چې په اولاد يې تيرى کيږي او يا ټوټه –ټوټه دکور مخ ته غورځول کيږي .
خو په دې پلمه هغه نه شي خلاصيدى ، ځکه نوموړى دهغو ميندو او پلرونو په رايه دواک په ګدۍ نا ست دى چې ، نن يې اولادونه تښتول کيږي او په تنکيو اولادونو يې وحشيانه تېرې کيږي .
کرزى ، شايد داهم ووايي چې په دولت کې يې مجرمانو ته سخته سزا اورول شوې ده ( ٢٠ کاله بند ) خو ايا که دى پلار شي او يا دکور په کوم بل غړي يې ورته عمل وشي نو په دغې سزا به يې دغچ لمبې سړې شي ؟
او بل کرزي صيب تراوسه ليدلي چې دافغانستان په دولت کې دى ٢٠ کاله څوک بندي پاتې شي ؟ ايا کوم نظام دلته دومره عمر کړى ؟
قاضيانو تا سو چې دمجرمانو کړنې او د مظلومو چيغې له نږدې او رئ او ځانونه داسلام ددين قاضيان بولى تا سو داحق لرئ چې ، حدود بدل کړئ ؟ په قران کې دهغه چا له پاره چې ښځه ولري او بيا زنا وکړي شل کاله بند ټا کل شوى ؟؟
تاسو حدود بدل کړل او په دې تو ګه مو دقرا ن احکام له اساسي قانون نه هم ټيټ راو ستل ،ايا دقرانکريم له پريکړې پرته په بل شي حکم ښکاره .... نه دى ؟ : (( ومن لم يحکم بما انزالله فا ولئک هم الکافرون . )) څوک چې دخداى له کتاب پرته حکم کوي نو دوى کافران دي . ))
داساسي قانون دمادو دتعديل له پاره دلويې جرګې راغونډول ضروري ښودل شوي ، خو تا سو دحدودو دتبديل له پاره دا کار هم ونه کړ .
تا سو شايد ديو فشار له مخې دغه پريکړه کړې وي ، ايا دغه فشارستاسو تاريخي اوشرعي مسوليت ادا کولاى شي ؟
په جرئت ويلى شم چې ستا سو دغه کمزور ې پريکړې به نه يوازې دا چې دخلکو زړونه له موجوده نظام او د ميلينونو انسانو په وينه دساتل شوي دين ( اسلام ) نه ساړه نه کړي بلکې مجرمانوته به هم دزمري زړونه ورکړي او بيا به هغه وخت دا درک کړي چې دهغو پلرونو او ميندو په موقف کې راشئ چې په کو چنيانو يې جنسي او نور نا وړه تيري کيږي .
مونږ ددې وطن يو او دقانون له مخې حق لرو چې خپل نظرونه څرګند کړو ، مونږ په ډاګه وايو چې دغه ډول پيکه او مصلحتي نظام زمونږ ددين ا و ملت سپکاوى دى ، مونږ يو شرعي او انساني کرامتونو ته په ارزښتونو ولاړ نظام غواړو .
دغه ليک دهغې ١٢ کلنې نجلۍ دتښتونکوودمحاکمې په سبا ليکل شوى وچې ، نږدې دوه اوونۍ وړاندې په ستره محکمه کې يې محاکمه وشوه .
.
