د نوميالي ډنمارکي ختيځپوه او افغان پوه کلاوس فرديناندد مړينې له کبله
٢٠٠٥ ، د جنورۍ ٧
ډنمارک ، کوپن هاګن
په اروپا کې د افغاني کلتوري ټولنو ګډه جرګه ، په ډېرې خواشينۍ سره د نامتو ډنمارکي ختيځپوه او افغانپوه کلاوس فرديناندله مړينې خبره شوه .
فقيد کلاوس فرديناند د افغانانو د ژوند او په تېره بيا د پښتني کوچيانو د ژوند او ژواک په اړه ډېر مهم علمي او څېړنيز کارونه تر سره کړي دي . د هغه آثار او څېړنيز کارونه د افغانستان د ټولنيزو څېړنو او د کوچيانو د ژوند او ژواک او دغه راز د دودونو او رواجونو په اړه يې په زړه پورې څېړنې کړې دي او له همدې کبله د هغه مړينه د افغانانو لپاره او د افغاني علمي او کلتوري کړيو لپاره هم د ډېرې خواشينۍ وړ ده .
موږ په داسې حال کې چې د هغوی په مړينه د ژورې خواشينۍ څرګندونه کوو، کورنۍ ته يې د زړه صبر غواړو او هيله څرګندوو چې د افغانانو او افغاني ټولنې په اړه د هغه د مهمو آثارو د ژباړې او چاپ کار ته ځانګړې پاملرنه وشي .
په درنښت
په اروپا کې د افغاني کلتوري ټولنو ګډه جرګه
