٧ فبروري ٢٠٠٥ سويډن
پدې وروستيو شپو او ورځوکي د افغانستان داسلامي جمهوريت دچارواکو د خبر تيا نه پرته دټولو نړۍ والو نورمونو او قبول شو قوانينو خلاف دبهرنيانو لخوا زموږ دپاکي او سپيڅلي خاوري پر هوایی حريم دادوهم ځل لپاره بر بنډ تيرۍ کيږي او پر خپل سر په آزاد لاس د کوکنارو پر کروندو دهوا له لاري زهر جني دوا گاني شيندي .
په افغانستان کي ټول دسالم عقل او انديښني خاوندان دنشه يي توکو او کوکنارو د کر کيلي ،تجارت ،او ترانسپورت سره مخالف دي . که څه هم ددي انسان دښمنه بوټۍ کرل زموږ په غم ځپلي هيوادکي دکورنې جگړي او ناورين په جريان کي دهمدغوبهرنيانو په هڅونه او حمايه تر دغه سر حده راورسيدل .
دا پنځه کاله کيږي چي افغان ولس دوچکالۍ په منگولو کي را گير ؤ ځکه نو بزگرانو د هيروئنو دقاچاقبرانو او مځکو دخاوندانو د غوښتني په اساس دکوکنارو کرلو ته مخه کړي وه ، کروندگرو ددغه کوکنارو دحاصلاتو نه د ومره گټه نه پورته کول خو دفاميل دغړو لپاره دخوړو ،لباس او درملودپيداکيدو پخاطر مجبور ؤ چي دقاچاقبر او مځکي دخاوند فرمايش ومني .اوس چي له نيکه مرغه بهرنيان او په ځانگړي توگه امريکاخپلي تيروتني ته متوجه شوي او غواړي دکوکنارو بوټۍ له ريښي ورک کړي اړينه بريښي چي د افغانستان سياسي استقلال ته ددرناوي په سترگه وکتل شي ، سره له دې چي پدي هر څوک پوهيږي چي زموږ دتوره بخته اوس بهرنيان په ازاد لاس او بيله پوښتني څه چي يي زړه غواړي سرته رسولاي شي .ولي فکر کيږي چي داشان بربنډ تيري او خپل سري به دافغان ولس دصبر کاسه ډکه کړي او له دغه حالت نه به يو ځل بيا ددموکراسۍ او سولي دښمنان گټه پورته کړي او دهيواد دانيم بنده سوله ايز حالت به له ستونزو سره مخامخ کړي .
د افغانستان حکومت دنده لري دهغو وعدو سره سم چي دنړۍ والو سره يي د نشي توکو دله منځه وړلو په هکله کړي دکوکنارو دکښت ، توليد او تجارت پر خلاف په کلکه مبارزه وکړي ،بل هيواد هيڅ حق نلري دافغانستان د حاکيميت دغوښتني پرته زموږ پر کروندو دکوکنارودکښت دله منځه وړلو پر ضد دهوا له لاري درمل وپاشي .
کله چي دننگرهار دولايت په ځينو سيمو کي امريکا دکوکنارو د کښت پر ضد بيله د افغانستان ددولت له اجازي نه پر کروندو دوا وشيندل شوي وه لمړۍ يي انکار کاوه خو وروسته يي ومنل ا وعده يي وکړه چي بيا به دا شان عمل نه تکراريږي ،اما نه پوهيږو چي دامريکايي چارواکو څخه ولي خپله وعده هيره شوه ؟ او دادۍ يو ځل بيا يي دهلمند ولايت په مربوطاتو کي د کوکنارو پر کروندو د کوکنارو پر ضد دالوتکو په مرسته دوا شيندلي چي پايله يي په ننگرهار او هلمند کي دماشومانو ، پټکي او نفس تنگي نا روغۍ دي . ددغو ناروغيو دپيدا کيدو او هوا دککړتيا مسؤليت څوک په غاړه اخلي؟ امريکايي چارواکي بايد دافغانستان اوسني دولت او خپلواکۍ ته ددرنښت په سترگه وگوري ،دامريکا مرستي دافغان ولس سره بايد له ددغه غمجن او زړه بوگنوونکي حالت نه دافغان ولس دخلاصون په منظور وي نه داچي هر څه يي زړه غواړي پر خپل سر سرته ورسوي ..
په سويډن کي ددوستۍ فرهنگي ټولنه په کلکه غوښتنه کوي :
۱/ هيڅ بهرنۍ دولت دافغان ولس ددغه بيوزله حالت نه دخپلو سياسي او اقتصادي غرضونو او گټو دپورته کولو په خاطر ځان ته دا حق ورنکړي چي دافغانستان پر هوايي حريم پر خپل سر تجاوز او تيرۍ وکړي .
۲/ دافغانستان اوسنۍ حاکيميت د هيواد داوسيدونکو په خوښه ټاکل شوي دهيواد سياسي ،اقتصادي او فرهنگي سرنويشت يي دهمدغي اداري پلاس ورکړي ځکه نو دغه دولت ته دبهرنيانو لخوا احترام نه کول دافغان ولس سپکاوۍ بريښي .
څرنگه چي دافغانستان پر هوايي حريم کنترول دامريکا پلاس کي دۍ دامريکا هيواد دنده لري زموږ دهيواد له هوايي حريم نه دفاع وکړي ، بيله دافغانستان ددولتي چاروکو له اجازي او خبر تيا نه پر خپل سر دامريکايي الوتکو راتگ هم پدي کي شامل دۍ .
۳/ په کوکنارود کرل شو کروندو اړونه دافغانستان ددولت مسؤليت او دنده ده هيڅ يو بهرنۍ هيواد حق نلري دهوا له لاري دزهر جنو دواگانو په پاشلو چي پايله يي د ډول ډول ناروغيو او چاپيريال ککړتيا ده لاس پوري کړي . هغوي دنده لري د هيروينو دقاچاقبرانو په مقابل کي د خپلو هيوادو پول ټينگي وتړي او په خپلو هيوادو کي د هغو کيميايي موادو توليد په ټپه ودروي کوي چي دهغوي په مرسته هيروین جوړيږي .
۴/ دافغاني چارواکو نه غوښتنه کيږي امريکايي او نور بهرني چارواکي دډيپلوماتيکو کانالو له لاري ددغه شان کړنو بدو عواقبو ته متوجه کړي ،او له هغوي نه په کلکه غوښتنه وکړي بيله دافغانستان دحکومت له خبرتيا او اجازي نه په هر نامه او شکل چي وي دهر ډول کړني نه ډډه وکړي .
۵/ هر هغه هيواد چي په ننگرهار ،هلمند او بله هر منطقه کي يي دکوکنارو دکښت پر ضد دزهرجنو درملو شيندل سرته رسولي ددغو درملو څخه دراپيدا شو ناروغيو او هوا دککړتيا تاوان افغانستان د ته ورکړي او ډير عاجل په دغو منطقو کي ددوي په مالي لگښت دا ناروغانو ددرملني لپاره گړندي کارونه سرته ورسيږي .
دټولو نړۍ والو نورمو نو پر اساس دا دددغو منطقو د اوسيدونکو مسلم حق دۍ که څوک دوجدان په اساس ددغه حق پلوۍ وي بايد دا تاوان ورکړه شي .
هيله مو داده نړۍ وال دټول زور او طاقت سره سره زموږ ولس اوگراني خاوري ازادۍ ته ددرناوي په ستر گه وگوري .
