گران او پيا وړي ژورنالست بزگر صاحب تاسو او ستاسو دقلمي ملاتړو او لوستونکو دفرهنگي چوپړ شپاړسمه کليزه دي مبارکه وي .
شپاړس کاله پخوا دوطن اوافغاني سپيڅلي ټاټوبي نه ليري دمهاجرت او جلا وطنۍ په ستونزمنو شرايطو او حالاتو کي له افغانستان او افغانانو نه ليري ددنيا په يوه گوټ کښي ،هغه ځای کي چي دافغانستان د اوومي ټولگۍ دجغرافي په کتاب کي يې دماشومانو لپاره ليکلي وه چي هلته شپږ مياشتي شپه او شپږ مياشتي ورځ ده، نه تنها دافغان ولس دژوند بلکي د افغانانو د زړه بوږنوونکي او له غم او غوسي نه ډک حالت،کړاونو، خواريو ،تربگنيو، تورتمنو ،کور ورانونو، ورور وژنو، او همدا شان دددغو کړنو او رويشونو پر خلاف د رسوا کونې او سمي لاري ته دراوستنې په خاطر د افغان ولس په فرهنگي ژوند کي دنړۍ پدي ليري پراته هيوادکي داسي يو فرهنگي هميشنۍ روښانه ستورۍ وځليد چي د افغان غيرتمند ولس دوستان او دښمنان يي ددغه غورځنگونو او تاريخي تکلونو وياړلي ټاټوبي د ورځني ژوند سياسي ، اجتماعي او اقتصادي حالاتو ته ځير کړه .
دعوت هغه خپرونه ده چي تل يې د افغانستان د سياسي ،اجتماعي او فرهنگي ژوند او حالت په هکله د خپلو مينه والوعلمي او معلوماتي وطني تنده ماته کړې ده ، او پدې هکله يې په انگليسي او نارويژي ژبو نړۍ والو ته هر اړخيز معلومات خپاره کړي دي .
دعوت نه تنها وکولاي شوه له هيواد نه ليري پرتو افغان مهاجرو ته بلکي د افغانستان په دننه کي دافغانانو په زړونو کي وتلې او دروند فرهنگي ځاي پيدا کړي .
ښاغلي بزگر صاحب ديو بې پرې افغان فرهنگيال او ژورناليست په توگه دا وياړ لري چي له هيواد نه بهر او په هيواد کي دننه د ناخوښه حالاتو او ستونزو سره سره وتوانېدی چي دا فرهنگي چو پړ د افغان ولس د پرځای او روا حقونو ددفاع په خاطر پر مخ بوزي او په بهر کي افغان ولس د گران او سپيڅلي هيواد د اوښتونواو حالاتو په هکله يې خبر کړي .
موږ ښاغلي بزگر صاحب ته په مبارکۍ ويلو سره دهيواد ټول پياوړي ليکوال هڅوو چي پدغو برخه ليک ټاکونکو او حساسو شيبوکي چوپه خوله پاته نشي ليکني وکړي ،حقيقتونه وسپڼي او افغان ولس ديو روښانه راتلونکي جوړيدو په لور وهڅوي .
په سويډن کي دنوي هيلې داداري ټول کار کونکي او قلمي همکار د دعوت دوتلې خپروني د مشر اوکار کونکو سره ځان پدغه فرهنگي ښکلي جشن کي شريک بولي .
په فرهنگي او وطني چوپړ کي ستاسو دلازياتو بر ياليتوبونو په هيله .
حبيب اله غمخور
په سويډن کي دنوې هيلي د مجلي مسؤل مدير
