داستانونه وېبپاڼه په نوې بڼه او ګڼو ژبو پر کرښه شوه .
د داستانونو وېبپاڼه تر اوسه يوازې په انګريزي ژبه وه خو سر له ننه ( شنبه ، د کب ٢٢ ) دغه پاڼه په پښتو بڼه پر ليکه شوه .
د دغې نوې وېبپاڼې د بدليدو په باب د پاڼې چلونکو په خپله خبرتيا کې ويلي :
د داستانونو وېبپاڼه خوښه ده چې په نوې بڼه او په ګڼو ژبو پر ليکه کيږي .
داستانونه له ١٩٩٩ کال څخه ، چې د دغې دوه مياشتنۍ مجلې د خپريدا له پيلامې سره سمون خوري ، پر ليکه ده . دغه پاڼه يوازې په انګريزي ژبه وه خو اوس وياړو چې نه يوازې يې په پښتو ژبه پر ليکه کوو بلکه نړيوالو ته د خپلو داستاني اثارو د وريېژندلو په نيت يې په انګريزي ، فرانسوي او جرمني ژبو هم وړاندې کوو .
دا ښايي د افغاني وېبپاڼو په لنډ تاريخ کې لومړی ځل وي چې په دومره ژبو مطالب خپروي . له همدې ټکي سره دا هم تړلې ده چې نيمګړتياوې به هم پکې خورا ډيرې وي . موږ له تاسو درنو ليدونکو او لوستونکو هيله لرو چې د نيمګړتياو په راښوولو او سمولو کې به ياري راسره کوئ . لطفا په خلاص مټ او ازاد زړۀ خپل نظر راکړئ او په خپلو لارښونو مو ونازوئ .
www.dastanona.com
