په هالنډ کي افغاني کلتوري ټولني هڅه کوله چي په نژدې ورځو کي د ارواښاد استاد فضلي په ياد فرهنګيان راټول کړي ، د هغه د اوږدې مودې د بې ساري خدمتونو درناوی وکړي او له لويه خدايه ورته اجرونه وغواړي .
خو دادی د استاد فضلي د استاد او د پښتو تياتر او ډرام د پلار له مړيني خبر شوو ، د استاد جان محمد پلار له غمجنه مرګه .
انالله وانااليه راجعون
بې ځايه به نه وي که ووايو چي پښتو تياتر او ډرام يتيم شو ، بې پلاره شو ،او له دوو نامتو هنرمندانو بې برخي شو .
موږ په داسي حال کي چي د استاد جان محمد پلار مړينه پښتو خواري سينما ، تياتر او ډرام ته دروند تاوان بولو له لويه خدايه د هيواد دغي درنې هنرمندي څېرې ته د هغه دکلونو کلونو دخدمتونو اجرونه غواړو . لوی خدای (ج ) دي ورته فردوس جنت په برخه کړي .
موږ دهغه کورنۍ ، د افغاني تياتر او سينما ټولو کارکوونکو او فرهنګيانو سره ځانونه په دغه درانه غم کي شريک ګڼو او ټولو ته تسليت غواړو .
