٢٤ غويی ١٣٨٤
په مناسبت دامريکاڅخه د غفورلېوال پيغام
په اروپا کې درنو افغانانو!
د افغاني فرهنګ له هسکه د راپريوتو ستوريو د يادون لپاره ستاسو دهڅو لمانځنه اودهغو خدای بخښليو روح ته ددعا دغه کرښې درليږ م اوداهم ورسره چې:
په کندهار کې چينې وچې دي باران نه اوري
د کونړ سيندرانه په منډه ځي له پولې اوړي
دکابل سيند ﻻ هم يوه پياله اوبه لس پيالې ويني راوړي
خو موږ له تندې نه مرو
ځکه ﻻ اوس هم په ګريوان کې لپه اوښکې لرو
او هره ورځ رانه يو لمر يوه سپوږمۍ او يو اميل دستورو
د مرګ په تورو مات شي
خوموږ بې وسه خلک
دهر ماتم په خاطر
له ډيره قهره خپل کورونه سوځو٠
ستاسو کشر
غفورلېوال
واشنګټن ډي سي (می١٣،)
