سيد مخدوم رهين د قضاوت په تله كې (لومړى ټوك) دهغه کتاب نوم دی ، چې ټولټال ۵۵۲ مخونه لري او څو برخې لري . چې په بېلابېلوخپرونوکې خپرې شوې ليكنې، تبصرې، شننې او رپوټونه په كې په پښتو او دري ژبو راغلي دي.
خپرندوی يې افغان ولسپال ځوانان دي چې دماخذتونو په برخه کې يې ۸۴ سرچينې په ګوته شوي دي . په دې كتاب كې د افغانستان د ملي مسايلو په باب هغه اوږد بحث هم رااخيستل شوى چې دوه كاله وړاندې د افغانستان د راډيو- ټلويزيون له لارې خپور شو.
لکه څنګه چې په سريزه کې يادونه شوې دابه ددې لړۍ لومړۍ هڅه وي اونورټوکونه به يې هم خپرېږي . ځكه چې پر دې كتاب ليكل شوي چې (لومړى ټوك).
سيد مخدوم رهين هغه وزير دی چې په دې تېرو کلونوکې په لسګونو اوپه سلګونو ليکنې پسې شوي ، ښايي په دې باب د ښاغلي رهين خپل غبرګون ډېرتوند وي ؛ خوبياهم څرګنده نه ده چې داکتاب چېرې چاپ اوافغان ولسپال ځوانان څوک دي ؟.
افغان ولسپالو ځوانانو له نورو لوستونكو او مينه والو څخه په ټينګه غوښتنه كړې چې په دې باب دې خپلې اړوندې ليكنې د دوى د برېښناليك پر پتې ولېږي، چې په نورو ټوكونو ترې كار واخلي.
--------------------------------------------
دغه كتاب په دغو كتابپلورنځيو كې ترلاسه كېږي :
يونيورسټي بک ايجنسي ، خيبربازار - پېښور
سرحدبک ايجنسي ، خيبریازار - پېښور
نوموړى كتاب د افغانستان په ولايتونو او كابل كې هم موندل كېږي.
بيه : ۱۰۰ کلدارې/ په افغانسان كې ۱۰۰ افغانۍ
دخپروونکو دبرېښناليک پته : brishnalik@yahoo.com
او ويبپاڼه: www.raheen.worbal.com
