په لندن کی دافغان ليکوالو فرهنګی ټولنې مشرانو او قدرمنو غړو

په ډېرې خوښی سره مو خبر ترلاسه کړ چې هلته په لندن کې ستاسو په همت د ستر ادبي هاند لړۍ راپیل شوې او دا دی نن د لندن ښار په خپل زړه کې د پښتو ادب ، ژوند بښونکو وږمو ته ساه ورکوي او د پښتونخوا ( ټول افغانستان ) د ښایسته شپونکي په شپېلۍ کې یې د سباوون له پیغام سره د ویښ  پښتون  تر غوږونو رسوي .دا د تاریخ روایتونه دي ، دا زړې خو خوږې کیسې دي ، دا (( د سالو وږمه )) تر هر مشامه رسوي ، هغه چې د ( اپګان ) د دغه تمدن زېږونکي ټبر ویاړلی تاریخ راسپړي.
هو دا  ترانې او دا ساندې ، ستاسو په پېرزوینه  د لوی افغان د ښایست او پایښت ، بنسټونه به لاپسې پیاوړي کړي .
تاسو ته ددغه شان  هوډ مبارکي وایو
لومړنۍ ادبي غونډه مو بختوره شه
پرېږده چې ستاسو غږ   ویده زړونه رابېداره او کاڼه غوږونه ، راڼه کړي .
ستاسو سره مل
د خپلواکۍ د فرهنګي مرکز استازی