د حامد کرزي د مبارکۍ پیغام
په ډیره خوشهالۍ سره مو خبر تر لاسه کړ چې د افغانستان د کرکیټ لوبډلي په عربي متحده اماراتو کې د خپلو سیالیو په لړ کې د نړۍ غښتلو ټیمونو ته ماتې ورکړه او خپل هیواد ته یې لوی افتخار ور په برخه کړ.
زه د کرکيټ نړیوال جام ته د افغانستان د ټیم له لارموندني ډیر خوشهاله یم.
زه د افغانستان د ولس په استازي توب د کرکیټ اتلانو او همدا راز د جنوبي آسیا په سیالیو کې د باسکټبال ټیم اتلانو او همدا راز نورو هغو قهرمانانو ته چې هیواد ته یې افتخارونه ور په برخه کړي د زړه له کومي مبارکي وایم.
