د افغان ادبي بهير ځانګړې پاڼه په ليکه شوه . وروسته تر دې د نړۍ په هر ګوټ کې افغان ليکوال ، شاعران او فرهنګيان کولای شي د همدې پاڼې له لارې د افغان ادبي بهير د کره کتنې په غونډو کې برخه واخلي او کره کتنې ته په وړاندې کيدونکيو اثارو نظر ورکړي ، همدارنګه ددې پاڼې له لارې تاسو کولای شئ د بهير اونيز ادبي راپورونه ولولئ او د هنر او ادب په اړه په نويو مسلو خبر شئ . همدارنګه کولای شئ د همدې ويب پاڼې له لارې د نړۍ له هر ګوټ نه خپل اثار د کرکتنې لپاره د بهيروالو سره شريک کړئ .
http://baheer.tolafghan.com
افغان ادبي بهير د تلې په لومړۍ نېټه د خپلو ځنيو غونډو په لړ کې د افغان ادبي بهير د ويب پاڼي دجوړيدو په وياړ (( په فرهنګي بډاينې کې د انټرنيتي ويب پاڼو رول )) تر سرليک لاندې يو سيمينار جوړوي . تاسو کولای شئ په دې اړه خپل پيغامونه او مقالې د بهير د غونډو ګزارشګر اجمل اند ته په دې بريښنا ليکي پته? واستوئ ajmalaand@yahoo.com . ستاسو مقالو اوپيغامونو ته به په سيمنار کې ځای ورکول کېږي .
په ډېر درناوي
د افغان ادبي بهير اجراييه پلاوی
