دبایرن مېشتو افغانانو کولتوري ټولنه دخدای بخښلي رحیم مهریار په مړینه غمجنه شوه
په ډېره خواشیني سره مو خبر ترلاسه کړ چې دګران هېواد افغانستان پیاوړی او ولس مین سندرغاړی رحیم مهریار د ور پېښې ناروغي له کبله له دې فاني نړۍ څخه وکوچېد( اناالله واناالیه راجعون )
د خدای بخښلي رحیم مهریار کورنۍ او خپلو خپلوانو ته دتسلیت ترڅنګ جمیل صبر او خدای بخښلي رحیم مهریار ته دجنتونو غوښتونکي یو.
باید زیاته کړو چې رحیم مهریار یو له هغو درنو،مشهورواو خوږ ژبو افغان سندرغاړو څخه وچې دافغانستان ټولو توکومونو ته یې درناوی درلود د ټولو ژبو درناوی یې کاوه ځکه خو یې لمړنۍ سندره هم په خوږه پښتو ژبه کړې وه .
زموږ د ټولنې مشرتابه هیت د خدای بخښلي رحیم مهریار له مېرمنې اغلې پرستو سره دتیلیفون په ذریعه غم رازی وکړه او تر خپله وسه یې دمرستې تیاری ورته وښود .
په جرمني کې دبایرن مېشتو افغانانو کولتوري ټولــــــــــــــــنه
