دخپریدو نیټه : 2010-10-03 مخپرونکئ : 098 - دبېنوا اداره - کابل
د ارواښاد هنرمل کاکړ د مړيني په مناسبت
الحاج غرزی خواخوږی
د ارواښاد هنرمل کاکړ د مړيني په مناسبت د خواخوږی ادبي او کلتوري ټولني پيغام!
په خواشيني سره مو خبر ترلاسه کړ چې د هېواد نامتو انخورګر، سندرغاړي او د تياتر لوبغاړي ښاغلي نبي الله هنرمل کاکړ ومړ.
ارواښاد هنر مل د څو اړخيزه بريالي هنرمند په توګه د انځورګري، ګرافيک، تياتر، موسيقي او د پروګرامونو دايريکتر په توګه د څو لسيزو په ديخوا د افغانستان په ملي راډيو تلويزيون، د پوهني په وزارت او په آريانا تلويزيون کې نه ستړي کيدونکي خدمتونه تر سره کړي چې د ارواښاد هنري آثار د هېواد په کلتوري ډګر کې تل پاتي دي.
د خواخوږی ادبي او کلتوري ټولنه د خداي بخښلي هنرمل مړينه يوه لويه هنري ضايعه بولي، د لوي خدا څخه ارواښاد ته جنت الفردوس او کورني، هنري او کلتوري ټولنو ته جميل صبر غواړي.
په درنښت
الحاج غرزي خواخوږی
د ټولني مشر
١٠-٧-١٣٨٩
کابل افغانستان
