د لوی اختر د مبارکۍ پيغاماو د لمانځه خبرتيا!
په بريتانيا کې د ميشتو افغانانو ټولنه د سپيڅلي لوی اختر په مناسبت ټولو لروبرو او په نړۍ کې خوَرو افغانانو، په بريتانيا کې اوسيدونکو وطنوالو او د نړۍ يونيم مِليارد مُسلمانانو ته مُبارکي وايي .
د ټولنی رهبري هيئت تاسو ټولو قدرمنو ته خواست کوي چې د قـُربانيو د دې لوی اختر د مُبارک لمانځه په پای کې زموږ په محبوب تاريخي هيواد افغانستان کې ددې روان ملت وژونکي اوږده وحشي جنګ او نيواک د ختم، زموږ د تاريخي پراخ هيواد د سرتاسري مِلي وحدت او ډېر مُستحکم، ډېر زورور اوډېر عادِل او قانونسالار مرکزي حاکميت د تائمين او ولسي ښيرازۍ دپاره دُعا وکړئ .
د اختر لمونځ د نوامبر په شپاړسمه ، په سهِ شنبیِ ، د اختر په اوله ورځ، د ګهيځ په لسوبجو، د پخوا په څير، د ټولنیِ په مرکز کې ترسره کيږي .
تر لمانځه، دُعاوو او مُبارکيو وروسته د ځوانانو د ميلو،ساتيريو او افغاني اتڼونو دپاره وخت او ځای په پام کې نيول شوي دي .
دټولنیِ پته :
West Acton Community Centre
Churchill Gardens
London W3 0JN
020 8993 2129 & 020 8993 8168
په بريتانيا کې د ميشتو افغانانو د ټولنیِ مشر
