په بلجیم کې دمېشتو افغانانو دخواخوږۍ پیغام

په بلجیم کې دمېشتو افغانانو دخواخوږۍ پیغام
 
 په ډېره خواشینۍ مو خبر تر لاسه کړ چه دروان کال د لیندۍ (قوس) په 13مه نېټه الحاج عبدالقیوم بزګر له دې فانی
 
 نړۍ څخه سترګې پټې کړې. انالله وانا الیه راجعون
 
 الحاج عبدالقیوم بزګر دیو روڼ آندی او منورې څېرې په توګه دخپل وس تر بریده وطن او خلکو ته چوپړ کړیدی، چه تر ټولو لوړ او ښه چوپړ یې خپلې ټولنې ته د پوهو، ښو او هېوادپالو بچیانو ډالۍ ده. مونږ ټول د الحاج عبدالقیوم بزګر دناڅاپې مړینې په غم کې ځانونه د ارواښاد له کورنۍ ،مینه والو او ټولو افغانانو سره شریک ګڼو. له لوی څښتن تعالی څخه مینه والو او د ارواښاد د کورنۍ غړو ، ډاکټر عبدالصمد ملکزی، ډاکټر فرید بزګر ، ډاکټر طارق بزګر ،محمد اشرف باتور ته د زړه صبر غواړو. ددعاوو او هیلو تر څنګ خدایبخښلی ته د لوۍ او بخښونکی څښتن تعالی څخه د فردوس جنت او ښاغلو ډاکټر فریدبزګر او ډاکټرطارق بزګر ته د لازیات زغم غوښتنه کوو. آمین ثم آمین
 
 په بلجیم کې د پوهاوی ، مرستې او پیوستون د ټولنې د مشرتابه جرګه ګۍ
 
 بروسل - بلجیم