د افغان ځوانانو ټولنیز نیټورک د یوې اعلامیي په ترڅ کې د ملګرو ملتونو لخوا د نومبر لسمه نېټه د پیغلې ملالۍ په نوم نومول ستایې چې په دغه ورځ به د نړۍ د هغه میلونونو انجونو ته چې پوهنې ته لاس رسی نلري اواز پورته کوي. د افغان ځوانانو ټولنیز نیټورک د نړیوالي ټولنی دغه ګام په نیک فال نیسی چې له امله به یې په سېمه کې د هغو میلونونو خلکو ته د تعلیم حق حاصل شي کوم چې په دې وروستیو لسیزو کې په زوره ورڅخه دغه د پوهنې حق اخیستل شوي دي. د نیټورک په وینا له نړیوالي غواړي دغه کار په عمل کې پیاده کړي او د هغو خلکو مخنیوی وکړي چې د پوهنې مخه ډب کوي.د افغان ځوانانو ټولنیز نیټورک وایې په افغانستان او په کوزه پښتونخوا کې ډيری خلک په زوره د تعلیم له حق څخه بې برخي ساتل کېږي او د سېمي یو شمېر استخباراتي کړۍ په دغه کار کې لاس لري ځکه په دغه سېمه کې دا څو لیسزی د جنګ جګړو اور بلیږي چې لوی لامل یې د خلکو بې سیوادی ده. نو د افغان ځوانانو ټولنیز نیټورک د رهبری شورا د ملالۍ په نوم ددغي ورځي نومول په سېمه کې او نړۍ کې د پوهنې هڅی ګړندۍ کړي ترڅو سېمه او نړۍ له روانو ناخوالو څخه وژغورل شي. پنځلس کلنه ملاله یوسفزی یو میاشت وړاندي له دوه نورو ملګرو سره د کوزي پښتونخوا د سوات د مینګوری په سېمه کې له ښوونځي څخه د ستنیدو پرمهال د پوهنې له دوښمنانو لخوا په ډزو سره وویشل شوه چې اوس مهال د لندن په یو روغتون کې تر درملني لاندي ده.
په درنښت
کابل – افغانستان2012/11/10
د افغان ځوانانو ټولنیز نیټورک د رهبری شورا غړی
