لابه مي تاپسي بهيږي اوښکي شعري ټولګه چاپ سوه .

په کندهار کي د ځوان شاعر او ژوناليست نقيب احمد قريشي شعري غونډ (( لا به مي تا پسي بهيږي اوښکي )) تازه له چاپه راوتلې او بازار ته وړاندي سوې .
 ياد کتاب چي په خپل شخصي لګښت چاپ سوی ،د ليکنو د مخونو چپه تر ۱۴۰ په زياتو مخونو کي خپور سوی .
 لا به مي تا پسي بهيږي اوښکي شعري ټولګه له تمي خلاف د ننګرهار د (( ګودر خپرندويه ټولني )) لخوا چاپ سوې .
 د کتاب څښتن ښاغلی قريشي په دې اړه وايي ،چي کتاب يې ځکه له ننګرهاره چاپ کړ، چي د کندهاراو ننګرهار د خلګو تر منځ تړون لا غښتلی سوی وي .
 پر (( لا به مي تا پسي بهيږي اوښکي )) شعري مجموعې استاد عبدالغفور (( لېوال )) نورالحبيب (( نثار )) صديق الله (( خليق )) او عزيزالله (( پوپل )) ليکني کړي .
 په دې شعري ټولګه کي غزلونه ،څلوريځي ، نظمونه او ازاد شعرونه تر لوستونکو پوري رسول سوي .