د خواشيني پيغام / اوښتون کلتوري ټولنه
چې ژوندون يې لکه غر په اوږو يووړ
خلک وايي؛ په رښتيا اعظم، اعظم دی
د پښتو ژبي د پېژندل شوي ليکوال او شاعر ډاکتر محمد اعظم اعظم په مړينه د اوښتون کلتوري ټولنې غړي خوابدي دي.
الله ج دې بله دنيا کې فردوس ورکړي او دلته يې کورنۍ ته اوږده حوصله مندي غواړو.
ښايې ارواښاد ته د ژوند د بې وفايې او د خپل دې ابدي سفر په مهال خپله وينا ورياده شوې وې:
بوراګانو د سپرلو لمنې نيسئ!
د ګلونو قافلې ګنې په تلو دي
د وفا ځمکې خړوب نه شوې اعظمه !
ډېرې وينې مو ورکړې د زړګو دي
انالله وانا اليه راجعون
د مادياتو د عروج په زمانه کې
شرر بيا هم په خبرو پسې مړ دی
شرر ساپی د پښتو ژبي يو بل هغه ليکوال او شاعر دی چې په ځواني کې يې لا د ډېرو زړونه فتحه کړي دي، نوموړی دا مهال په روغتون کې دی او داسې ويل کېږي چې ډېر ژوبل دی، که د چا د مرستې وس ورسره کېږي نو مرسته دې نه درېغوي او له دوعاګانو دې نه بې برخې کوي.
الله ج مهربانه دی، روغ به شي خو موږ يې ژوبلېدا ډېر خواشيني کړي يو، شرر صيب يو منلی شاعر او ليکوال دی، الله ج دې صحت ورکړي.
موږ د نوميالي شاعر او ليکوال ډاکتر محمداعظم اعظم په مړينه او د شرر ساپي په ژوره ژوبلېدا خواشيني يو، الله ج دې د دواړو په اړه د پښتنو خواخوږو دوعاګانې قبولي کړي.
امين
د اوښتون کلتوري ټولنه / پکتيا / افغانستان
