خواشيني يو چې د پکتيا ولايت اوسيدونکی سياسي شنونکی غلام محمد زرملوال له دې فاني نړۍ سترګې پټې کړې.
ارواښاد غلام محمد زرملوال يو داسې مفکر انسان و چې د خپل هيواد او خپلو هيواد والو په درد درديدو او په غم يې اوښکې تويولې کله به يې چې د اوښکو تاب نه درلود نو د خپل زړه د بړاس په باسلو به يې قلم ته حرکت ورکاوه او د خپل هيواد رنځونه او دردونه به يې راغونډول او د کتاب په بڼه به يې تر مينه والو رسول.
ارواښاد زرملوال کوم داسې څه نه دي پريښي چې خپل هيوادوال پرې خفه او وشرميږي ، نوښتګر شاعر رفيق مهران په خپل بيت کې وايي
چې ولس ته مې ميړانه پاتې نه وي
داسې وخت کې مرګی را مه کړې ای خدايه ج
ارواښاد نه يوازې د پکتيا د خلکو ريښتينی او مبارز بچی و بلکې د لويې پکتيا اوپه ټوله کې د ټول افغانستان د خلکو په زړونو کې ځای درلود.
د لويې پکتيا فرهنګي او خپرندويه ټولنې اد اره او ټول غړي د ارواښاد مړينه د سياسي تاريخ ليکنې په ډګر کې يوه ډېره لويه تشه ګڼي ارواښاد ته د جنت فردوس او کورنۍ ته يې د جميل صبر غوښتنه کوي.
انا لله وانا اليه راجعون
ابدي کوريې تل له نور ډک لرې
د لويې پکتيا فرهنګي او خپرندويه ټولنې مشر
فريد احمد تسکين
