ټولواك او نيكولو مكياويلې

ټولواك په ۱۵۱۳ ز كال په فلورينس كې د ميديچيانو بيا واك ته رسيدلو پر مهال وليكل شو. دغه اثر اوس هم پر څو توكميزو اولسونو د ولكې ساتلو ساتلو لپاره هومره ګټور دى لكه د لومړي چاپ پرمهال چې يې و. همداراز ټولواك د سوداګريزو مسئلو او د بېلابېلو ادارو او شركتونو د اداره كولو او ستونزو د اواري لپاره، چې د دې عصر اداري مشران ورسره مخامخ دي، يو ښه لارښود دى. د كتاب ليكوال نېكولو مكياويلې د سياستپوهنې بنسټ ايښودونكى بلل كيږي. هغه د ۱۴۶۹ز كال د مې په درېيمه په فلورېنس كې زېږېدلى دى. له كال ۱۴۹۴ څخه يې تر ۱۵۱۲ز پورې يوه رسمي دنده پرغاړه واخيسته چې په ترڅ كې يې په ګڼو اروپايي دربارونو كې ماموريتونه ترسره كړل. په ۱۵۱۲ز كال په فلورينس كې بندي شو او بيا له بند خلاص او سان كاسيانو كې مېشت شو چې بيا هلته يې د يو شمېر نورو مهمو اثارو ترڅنګ دغه اثر هم وليكه. او په كال ۱۵۲۷ز كې يې د جون د مياشتې په ۲۲مه له دې نړۍ سترګې پټې كړې.