دا د ګناهو خيرى
ويې مروړه يويې سه
دا د ګناهو خيرى
چا به له پيالو سره غمونه اړولي وي
چا به د نيمرسې ګناهکارې له ټټر نه شراب څښلي وي
دا د بېخوديو استفراق درسره ومينځه
اوه څپې،
اوه ګامه پسې پورته کړه
پرې مينځه...!
دغه د صادقو جنګياليو د عورتو د لامبو خيرى
وروسته د ګناه له يوې تورې شپې
ويې مروړه يويې سه
دې قمارخانو نه د سګرټو پاتې شوي کاغذونه
دا غليظ لوګي
اوه شپې
اوه ګامه پسې پورته کړه
روڼ او پاکيزه کړه د پايتخت ګوګل
له چل و قسمونو نه
له شک او ګمانونو نه.
1369/٣/٩
هيله
جېلوانه!
دا لمدې لښتې مې په ملا باندې په پام اوروه
چې دا مې نوي د اختر کالي دي...
څيرې به شي
١٣٦٩/٣/١
