١٣٨٤ د غويي شلمه
په ډېرې خواشینۍ سره مو خبر ترلاسه کړ چې د افغانستان یو تن ګران او پخوانی غوره فرهنګي شخصیت استاد عبدالجلیل وجدي له دې فاني نړۍ څخه سترګې پټې کړې .
( لوی خدای دې ښه جنوتونه ور په برخه کړي )
استاد ( وجدي )د افغانستان د یو غوره لیکوال ،څېړونکي او ادبی منتقد په توګه د خپل خوږ ژوند زیاته برخه د افغانی هنر او ادب ،تاریخ لیکنې اوعلمي پلټنولپاره بېله کړې وه او ټول ژوند له قلم او لیکنو سره مل وو.
په ډنمارک کې د ( خپلواکۍ ) فرهنګي مرکز د ارواښاد استاد ( وجدي ) مړینه د افغانستان د فرهنګ او علومو د برخې یوه نه جبرانېدونکې ضایعه ګڼي او په دې توګه د ارواښاد کورنۍ ،دوستانو ،همکارانو او شاګردانو ته د زړه له کومې تسلیت وړاندې کوي او د خواخوږۍ له دغه پیغام سره هیله لري ،د استاد وجدي آثار او لیکنې راټولې او چاپ ته وسپارل شی .
په درنښت
د ( خپلواکۍ ) د فرهنګي خدمتونو مرکز په استازیتوب
یوسف هېواددوست
