د ولسمشرۍ له ټاکنو څخه بریالی نوماند ښاغلی حامد کرزی!
اجازه راکړئ تر هر څه دمخه د افغان ولسمشرۍ لپاره ستاسو د پر ځای او اړین انتخاب له امله تاسو ، ستاسو ملګرو ، همکارانو او ټول ویاړلي افغان ملت ته د زړه له کومې مبارکۍ او پېرزوینې وړاندې کړو .
ښاغلی ولسمشر !
افغان ولس د وروستیو ټاکنو ټول بهیر په پوره دقت تر څارنې لاندې درلود او په ټولو هغو ستونزو ډېر ښه پوهیږي چې د ملي واکمنۍ پلویان ورسره مخامخ و ، خو ملت په بشپړه توګه باور درلود چې حق به خپل ځای ونیسي . او دا دی اوس همداسې وشول . له همدې امله موږ د خپلو مبارکیو د مراتبو د وړاندې کولو تر څنګ هیله لرو چې تاسو به د ملي مشارکت او د ادارې په چارو کې د ټولو هېوادپالونکو ځواکونو او سړیو د ګډون او د هغو له غوره استعدادونو څخه د ګټې اخیستنئ له لارې وکولای شئ، پر شته ستونزو برلاسئ ترلاسه کړئ.
موږ په بهر کې زیات شمېر اوسېدونکي افغانان له تاسو سره د خپل ملاتړ تر څنګ د هر ډول همکاریو ژمنه کوو .
له هېواددوستانه پېرزوینو سره
په ډنمارک کې یو شمېر اوسېدونکي افغانان
