په ډېرې خواشینۍ سره مو خبر ترلاسه کړ چې د هېواد یوتن وتلی روڼ اند ، مخور فرهنګپال اود افغانستان د بيا ودانولو د مرستې ټولنې مشر ډاکتر اسدالله بها د ورپېښې ناروغۍ له امله په دې نږدې تېرو ورځو کې د اتریش په هېواد کې له وطن نه لرې ساه ورکړه او د حق پر لاره رهي شو( لوی خدای دې ښه جنتونه ورپه برخه کړي ).
تلیاد ډاکټر بها هېواد ته د ښوونې او روزنې په برخه کې د قدر وړ خدمتونه ترسره کړي او دلته په اروپا کې یې هره شېبه خواخوږي زړه د ګران افغانستان د بیا ودانولو لپاره ټوپونه وهل .
په ډنمارک کې د افغانستان د علمي – فرهنګي خدمتونو مرکز ( خپلواکۍ ) ټول کارکونکي او یو شمېر فرهنګیان او روڼ انده افغانان د ارواښاد استاد بها ناڅاپي مړینه د هېواد علمي او مسلکي کړیو ته یوه نه جبرانېدونکې غمجنه پېښه ګڼي او په دې توګه د ارواښاد له کورنۍ ، دوستانو او خواخوږو سره خپله غمشریکي یو ځای کوي او د تسلیت ژور مراتب وړاندې کوي .
د ( خپلواکۍ ) د فرهنګی مرکز په استازیتوب
یوسف هېواددوست
