نوی کال ، نوی تړون

نن  د  قســــــمت  په  سیـــــــالۍ  بیـــــــــا  راوزو
لــــــــکه  هــیـــــــــــنــــداري  بې ریـــــــــــــا  راوزو
د  ژوند  پر  لـــــــــــــور  لکه  مــاشومې  سترګي
د  اوښــــــــــــــکو  ډکي  په  خـــــــــــــنــدا  راوزو

له  درو  میاشتو  راپه دیخوا  د  لراوبر  افغانانو  تر  منځ  د  مشورو  اوبحثونو  وروسته  لراوبر  افغانانو  وپتیل  چي  په  کډوالۍ  کښي  د  کډوالۍ  ژوند  د  چارو  د  ښه  سمبالښت  ، د  خپل  کلتور  ،  مذهب  او  ژبي  پیروي  او  خپل  راتلونکۍ  نسل  د  افغاني  ، انساني  او  اسلامي ارزښتونو  د  سمبالولو  په  خاطر  کلتوري  غونډ  جوړ کړي  .
له بحثونو وروسته  د لراوبر افغانانو له خوا د (( لراوبر  افغان کلتوري  ټولنه )) تر  نوم  لاندي  د  ټولني  پر  نامه  توافق  وشو  .  لراوبر  افغان  کلتوري  ټولنه  د  نوي  ۱۳۹۰  هجري  شمسي  کال  د  رانوي کیدلو  په  ویاړ  خپل  وجود  اعلانوي
لراوبر  افغان  کلتوري  ټولنه  ویاړي  چي  په  لومړي  ځل  د  لراوبر  څخه  افغانان  په  خپل  منځ  کښي   په  یوه  خوله  د  کډوالۍ  ټولو  ستونزو  ته  په  ګډه  اوږه  ورکوي  .
لر اوبر افغان کلتوري ټولنه خپلواکه او په هیڅ یوسیاسي اوحکومتي جریان پوري تړاونه لري . 
لراوبر  افغان  کلتوري  ټولنه  په  بلجیم  کښي  د  افغانانو  د  نورو  ټولونو  د  وظایفو ،  لایحو  او  خپل  منځي  چارو  ته  د  قدر  په  سترګه  کتلو  سره  د  یوې  جرګې  حیثیت  خپل  کړی  او  د  ټولو  بلجیم  میشتو  افغانانو  له پاره  ئې د  ټولني  غړیتوب  ته  لاره  پرانیستی  ده  .
لراوبر افغان  کلتوري  ټولنه  ،  لراوبر  افغانانو  ته  خبر  ورکوي  چي  د  مارچ  د میاشتي  پر  شپږویشتمه  نیټه  نوموړې  ټولنه  د  جشني  مراسمو  په  ترڅ  کښي  خپل  کار  پیلوي
لراوبر  افغان  کلتوري  ټولنه  ویاړ  لري  چي  د  غونډي  د  مشر  میلمه  په  توګه  د افغان  تاریخ  پوه  لیکوال  ،  څیړونکۍ  او  د  کابل  پوهنتون  د  لرغونپوهني  د  پوهنځي  استاد  ښاغلی  پوهنوال  رسول  باوري  ،  د  ګډون  هرکلی  کوي  .  ښاغلی  پوهنوال  باوري  په  سیمه  کښي  د  میشتو  قومونو  او  قبیلو  د  تاریخ  او  ثقافت  په  اړه  ارزښتناکه  وینا  کوي .

زموږ  جشني  پروګرام
د  ټولني  د  ایجاد  پر  ضرورت ،  څو  لنډي  خبري
د  ټولني  پرانیستل
  مشاعره
اتڼونه  او  خوږه  موسیقي  به  د  راغلو  افغانانو  تنده  ماته  کړي  .
له  ټولو  بلجیم  میشتو  او  اروپا  میشتو  افغانانو ، شاعرانو او لیکوالانو څخه  چي  په  غونډه  کښي  غواړي  ګډون  وکړي  ، لراوبر  افغان  کلتوري  ټولنه  ئې  هرکلی  کوي  او  همدارنګه له ټولو  شاعرانو  څخه  چي شعر  لولي  ، هیله  کیږي  ، چي  د  لراوبر  افغان    او  همدارنګه  پسرلي  ته  لیکل  شوي  شعرونه  زموږ  څخه  دریغ  نه  کړي ،  راشي  او  موږ  ته  یی  واوروي .

وخت  :  د  مارچ  د  میاشتي  شپږویشتمه
د  شنبی  (  خالي  )  ورځ   د  ماښام  شپږ  بجې

ادرس  :   امید  صالون
Rondenemweg   .  142
1500    Halle  ,  Belgique