استاد باز محمد ساپي ته دې الله ښه جنتونه ورکړي

په ډېرې خواشینۍ سره مو خبر ترلاسه کړ چې د هېواد یو فرهنګپاله ، ټولنیز او فرهنګي شخصیت ښاغلی  استاد باز محمد ساپی  وفات شوی .( الله دې ښه جنتونه ور په برخه کړي )
استاد بازمحمد ساپي  په هېواد کې دننه او له هېواد نه د باندې  د ټولو علمي ، فرهنګي او هېوادپالونکو کړیو په مینځ کې  د خپلو هېواد پالونکو ګروهو له امله  د درناوۍ او  ارزښت ځانګړی ځای درلود .ارواښاد  په افغانستان کې دننه او بیا وروسته له دې چې شوروی اتحاد ته مهاجر او بیا اروپا کې د مهاجرت شيې ورخې تېرولې ، د خپل ژوند زیاتې شېبې یې  د خپلو شا اوخوا فرهنګیانو او فرهنګپالو سره په نږدې اړیکو کې تېرې کړې .د ښه قلم خاوند و ، خبرې یې سپینې وې او خپله د غیرت یوه ټوټه وه .  د ارواښاد ساپي مړینه  موږ یوه ظایعه ګڼو او په دې توګه  محترمې کورنۍ ، خپلوانو او ملګرو ته یې د زړه له کومې د تسلیت او غمشریکۍ مراتب وړاندې کوو  .لوی خدای  دې ارواښاد باز محمد ساپي  وبښي او غوره جنتونه دې د هغه ځای شي .
په ډنمارک کې د خپلواکۍ د فرهنګي مرکز په استازیتوب