مرسته     |     دپاڼي نقشه     |     ننوتل
benawa-etisalat
دخپریدو نیټه : 2016-08-17   مخپرونکئ : 106 - دبېنوا لیکوال - سویډن

دعلمی کنفرانس خبرتيااوبلنليک

حبيب الله غمخور
په سويډن کې ددوستۍ فرهنگی ټولنه داريانا کلتوری ټولنې په مرسته غواړي دروان کال دسپتمبر پر ((۱۷))دسويډن دمالمو په ښارکي دخپلوعلمی اودابی شخصيتونو دستاينې اوهڅونې په موخه يوه پراخه درنه غونډه جوړه کړي . دستاينې اوهڅو نې پدې درانه کفرانس به دپوهنیار محمد رحمت الله تنها په ۲۰۰۵ ز کال کې د کابل پوهنتون د ساینس پوهنځي تر ټولوځوان او کشر استاد، د افغانستان د اټومي انرژۍ د کمیسیون د هستوي ټکنالوجۍ پخوانی رئیس، ، د پنځو خصوصي پوهنتونونو د استادۍ افتخار لرونکی،د المان په هانوور پوهنتون کې د دوکتورا څېړونکی،د المان د فزیکوالو اتحادیې فعال غړی د المان د فزیکوالو اتحادیې د کلني کانفرانس د غوره جایزې ګټونکی د قلم او ژبې څښتن، لیکوال او څېړونکی، اجتماعي او اکاډیمیک فعال شخصيت،په پښتو او دري سربېره، په انګلیسي، جرمني د لیک، لوست اووینا څښتن . ښاغلی اکبر کرگردادبی داستانو اونورومسائيلو لوي ليکوال ،څېړونکي او ژباړونکی ،تکړه اوفعاله ژورناليسته اوليکواله آغلې فريبا چرخي ،دالمان ږغ دوچه وله پېژندل سوی ژورناليست اويوزيات شمير قاموسونو ترتيبونکی ښاغلی احمدولي اڅکزی ،مشهور شاعر ښاغلی غفور اميني او مشهور سندرغاړي امان الله اميري زيار اوزحمت وستايل سی اودوي به په راتلونکی کښي دخپل مسلک دپراختيا اوزورېدلی افغان ولس چوپړته وهڅول سي . ديادولو وړده چې زموږ دهيواد وتلی عالم دکابل پوهنتون د ساینس پوهنځی فزیک دیپارتمنت پخوانی استاد او د افغانستان د اټومی انرژی کمیسیون پخوانی مسوول مشرالحاج پوهنوال ډاکټرنظرمحمدسلطانزی ځدراڼ به هم په خپل گډون داغونډه نوره هم درنه کړي . ددې علمی کنفرانس يا ستاين غونډي دجوړېدونه زموږ موخه داده چي زموږ په هيواد کي دننه اوله هيوادنه بهرټولو هيوادوالوته ددو ي وياړلی شخصيتونو وروپېژنو اوددې ترڅنگ یې خپل ملی او انساني چوپړته وهڅوو. موږ به ډير زيات خوښ سوتر زموړ سره پدې درنه غونډه کي تاسود فرهنگی ټولنو او ټولنيزو سامانواستازي ،دعلم اوپوهی شخصيتونونه ليکوال ،شاعران په خپل فعال گډون داکنفرانس نورهم علمی او ښکلی کړی . دکنفرانس جوړونکی ټولنې پدې انسانی کارکښي دهرفرد اوهرې ټولنې بې غرضه مرستې اوفعال گډون دمننې په څرگندولوسره مني . درنو دوستانو ! که چيري راتگ مودکودمودلايلو له مخې ناشونۍ وي هيله مند يم چي ددې کنفرانس په ادرس خپلې تحليلی ليکنې ،نظريات او پيغامونه زموږ لاندي په برېښنا پتو راولېږی . برېښنا پته : ghamkhor@hotmail.com ghmkhor@gmail.com داړېکو لپاره دتليفون شمېر : (0) 736 511 5690046 ولايت خان ځډراڼ : (0)76 240 93 92 0046 هيواد شيرزاد: (0) 73714 31 40 0046 وخت : دکنفرانس رسمی پيل دورځې يوه بجه دوستان کولاي شي يوساعت وړاند تشريف راوړي . دکنفرانس پته : د کروکسبېک ښوونځي د کنفرانس تالار . : Kroksbäckskolan , Informationsalen دناويگاشون لپاره / Sweden Malmö Hyllievångsvägen-6 يادونه ! هغه دوستان چې غواړي دکنفرانس پکارکښي خپله اويادليکنې له لاري گډون ولري کولاي سي خپلي ليکنې موږ ته دپورته په گوته سوی برېښنا ليک له لاري راولېږي ترڅودکنفرانس دټولومطالبودچاپ په وخت کي زموږ کار اسانه کړي . په سويډن کې ددوستۍ فرهنگی ټولنې اوارياناکلتوری ټولني مشرتابه جرگو په استازيتوب حبيب الله غمخور
mainport ipower aicts
Answer Machine : + 1 (518) 5577770   --   USA Tel : +1 518 3662728   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2014   All Rights Reserved     Powered by:Benawa Network     Design by: Khalid Hadi Hiadery