ټاکل شوې ده چې ۱۳۹٧ لمریز کال د وږي (سنبلې) د میاشتې پر (١٠) نېټه د شنبې په ورځ ، چې د ٢٠١٨ م کال د سپتمبر له (لومړۍ) نېټې سره برابره ده، د سهار پر ۹ بجو د افغانستان د علومو اکاډمي د كانفرانسونو په تالار كې،چې د نوي ښار د پارك تيلو ټانك ته مخامخ موقعيت لري، (د مولانا جلال الدين محمد بلخي د زېږېدو اته سوه پنځه دېرشمه کاليزه ) تر سرليک لاندې يوه ورځنى علمي ــ څېړنيز سمينار جوړ شي.
په دې علمي ــــ څېړنيزسمينار کې د افغانستان او سيمې په كچه پوهان ، څېړونكي، سياستوال او نامتو شخصيتونه گډون كوي. له تاسو څخه په خورا درنښت هيله کوو،چې په ياد علمي – څېړنيز سيمينار کې له موږ سره د خبري پوښښ په موخه ګډون وکړئ، له مرستې او همکارۍ مو له وړاندې مننه كوو.
