د روژې پنځمه تحفه

لیکوال : نثار احمد صمد د روژې پنځمه تحفه عزتمنو لوستونکو ، په یو قدسي حدیث کی داسی راغلي دي « الله تعالی فرمایی چی د انسان ټول اعمال د هغه له پاره دي ، خو روژه زما له پاره ده او زه یې اجر ورکوم . روژه د ګناهونو مخه نیسی . نو څوک چی روژه ولری باید له بد ویلو ، چیغو نارو او جاهلانه اعمالو څخه ځان وساتی . که څوک ښکنځل ورته وکړی ، یا جنګ ورسره کوی ، ځواب دې نه ورکوی بلکی دوه ځله دې ووایی چی زما روژه ده . » او دا هم پنځمه تحفه . ستاسو د صحیح ځوابونو په طمع ، والسلام ( ن . صمد، nsamad57@hotmail.com). پوښتنی : ۱ ـ د قرآنکریم تر ټولو کوچني درې سورتونه کوم دي ؟ ۲ ـ د قرآن مجید سورتونه چا ترتیب کړي دي ؟ ۳ ـ د « سورة » لفظ په قرآن مجید کی څو واره ذکر سوی دی ؟ ۴ ـ هغه کوم سورت دی چی یوه رکوع یې په مکه او بله رکوع یې په مدینه کی نازله سوه ؟ ۵ ـ قرآن مجید ته اعراب په کومه سنه کی ورکول سول ؟ ۶ ـ په سترګه کی دوا اچول روژه ماتوی که یا ؟ الف : یا ؛ ب : هو ؛ ج : مکروه کیږی ؛ د : په روژه کی دغسی اجازه نسته . ۷ ـ که روژه لرونکي مسواک وواهه بیا یې دا ګومان وکړ چی په مسواک وهلو سره روژه ماتیږی ، نو قصدأ خوراک یا څښاک وکړی روژه یې څنګه ده ؟ الف : روژه یې نه ماتیږی ؛ ب : روژه یې ماتیږی خو هماغه روژه به پسی نیسی ؛ ج : روژه یې ماتیږی او یوازی قضایی به راګرځوی ؛ د : قضایی او کفاره دواړه لری . ۸ ـ د حشر پر میدان به خلک په کوم نوم راغوښتل کیږی ؟ الف : صرف په خپل نوم ؛ ب : د خپلو پلرونو په نوم ؛ ج : د خپلو ګناهونو په نوم ؛ د : د خپلو میندو په نوم . ۹ ـ رسول الله (ص) په کوم کال کی وزوکېد ؟ الف : دوشنبه د ۵۷۱ د عام الفیل په کال ؛ ب : سه شنبه د ۵۷۱ د عام الفیل په کال ؛ ج : جمعه د ۵۷۱ د عام الفیل په کال ؛ د : شنبه د ۵۷۱ د عام الفیل په کال . ۱۰ ـ د رسول الله (ص) کوم اکا د ده د شیدو ورور هم دی ؟ الف : حمزه (رض) ؛ ب : عباس (رض) ؛ ج : حارث (رض) ؛ د : ابو طالب . او دا هم د نن زرین اصل : نبی کریم صلی الله علیه وسلم وفرمایل : الله جل جلاله ستاسو شکلونو او مالونو ته نه ګوری بلکی ستاسو زړونو او عملونو ته ګوری (مسلم) .