مرسته     |     دپاڼي نقشه     |     ننوتل
Rahat Gas
دخپریدو نیټه : 2011-05-31   مخپرونکئ : ۱۲۱ بېنوا - جنوبي پښتونخوا

د خپلي ښځي د شيدو تيرولو حُکم :

دارالافتاءابوالفضل ـ

فتو ی نمبر(۱۸۱) .
دارالافتآء علامه، محقق محمد معين الدين أبوالفضل ، افغاني کان الله له ودامت برکاته .
مستفتي  :  صمیم
هرڅه د مخه خپل د زړه له کومې سلامونه او نیکې هیلی د بینوا ویب سایت ټولو چلوونکو او په تیره بیا ښاغلې عالی جناب نامتو عالم  ابوالفضل صاحب ته وړاندی کوم . وروسته له سلام نه یوه پوښتنه له ماسره ده او دا پوښتنه زما یو ملګری هم را نه کړی ده خو ځواب یی ماته نه راځی له ښاغلی ابوالفضل صاحب نه می دا هیله د ه چی د دی پو ښتنی ځواب به خامخا راکړی.
پوښتنه داده:
که چیرته یو سړی له خپلی ماینې سره د مینې کولو په وخت کی د هغې سینې ( تیان) په خوله کی ونیسی او ویې روی او بیا کله ترینه د شیدو په شان زیړی یا سپینې نری یا ټینګې اوبه را ووځی او د میړه خولې ته یی ورشی په داسی حال کی شریعت څه حکم کوی؟

الجواب وهو الموفق للصواب  :

نحمده ونصلي علی رسوله الکریم وعلی آله واصحابه اجمعین . 
محترمه ! پدغسي کار کښي نور کوم شرعي تاوان نسته ، د خپلي ښځي شيدې که سړئ تيري کړي ښځه نه باندي حراميږي ، البته خو شيدې تيرول يې حرام کار دئ ؛ ځکه چي د شيرخورۍ تر زمانې چي کوچنئ تير سي چي دوه يا دوه نيم کاله دي نو ودغه کوچني ته لا هم د خپلي مور شيدې رودل روا نه دي ؛ ځکه شيدې د ښځي د بدن يو جزء دئ ، دانسان د بدن يو جزء و نس ته تيرول مطلقا ناروا کار دئ  .

والسلام ومن الله التوفيق

که ستاسي سره هم کومه دیني پوښتنه وي نو ....
۱ ــ لومړئ د دارالافتاء فتواوي ددې ځای په کلیک سره وګورئ ښائې ستاسي دپوښتني په اړه فتوا مخکي صادری سوې وي چي په بیا رالیږلومووخت ضایعه نسي
۲ ــ پوښتني بایدداسي وي چي په دین کښي ضرورت ورته وي یادعمل ،یادعقیدې په اعتبار
۳ ــ پوښتني کوونکئ باید په مذهب دامام اعظم أبوحنيفه (رحمه الله) وي یا اقلا په څلورو مذهبوکښي دیوه تابع وي
۴ ــ دیوې پوښتني درالیږلو وروسته موږته یوڅوورځي وخت راکړي څوموږپه ترتیب سره رارسیدلي پوښتني جواب کړو
۵ ــ ګراني خویندي هم خپلي شخصي پوښتني دلته رالیږلی سي خوباید په لیک کي پر پاڼي دخپریدویا یوازي په بریښنالیک دجواب غوښتلو یادونه پکښي وکړي
۶ ــ خپلي دیني پوښتني مو د جیدو علماء کرامو څخه دمستندو جوابو دحاصلولو لپاره ددې ځای په کلیک سره راولیږئ
mainport spozmai radio ipower
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery